離開的彼工 雄雄看著彼个城
金花搖規暝 毋知敢是迷戀
對塗內爬起去 四界爬仔爬袂停
幼骨伸手探血池 想無進前佇佗位
重新閣開始 這改袂予人買去
小可仔袂慣勢 迒過生份身屍
戇戇 在佇遐照鏡 花血紅顏
驚邪風 又閣吹來 隨倒頭栽
認真感受戀愛 佮學習智識
糊塗拍算未來 無定會當生成人
每一工行佇紅磚仔路
下暗城市 霓虹伴落雨
人海中 相挨相擠 拑牢伊的衫
若傳說沃澹我的名
我只想欲全心共你承咧
細粒的目睭貯大夢
門開一點仔 看著神秘的未來
彼爿閃爍閣迷人 恬恬講袂出聲
想東閣想西 想欲逐著彼个影
金花落滿地 莫名開始軟跤
敢講到這个坎站 嘛無彩工
佇人間借來的體 呔會爛去
後壁跤步聲綴真絚 狂風絞天樂
遍地斷籬倒壁 就賰一步化成
萬世金花 花開見佛
一念生極樂國
虛空有盡 我願無窮
頭前是臨終西方
身袂疼 心不貪
只要我直直仔行
攑金臺來迎接
魂脫曼陀破迷城